ബ്ലൊഗറും കഥാകൃത്തും ആയിരുന്ന കെ ആർ മനോരാജിന്റെ സ്മരണാർത്ഥം സുഹൃത്തുക്കൾ ഏർപ്പെടുത്തിയ കഥാസമാഹാരപുരസ്കാരത്തിനു ഈ വർഷം (2017) അർഹനായിരിക്കുന്നത് ദേവദാസ് വി എം ആണ്. അദ്ദേഹത്തിന്റെ അവനവൻ തുരുത്ത് എന്ന ചെറുകഥാസമാഹാരം ആണ് അവാർഡിന് അർഹമായ കൃതി. ഡി സി ബുക്സ് ആണ് പ്രസാധകർ.
ഈ വരുന്ന ഞായറാഴ്ച (24/09/2017 നു) എറണാകുളം ജില്ലയിൽ വൈപ്പിനിൽ മനോരാജിന്റെ ജന്മദേശമായ ചെറായിയിലുള്ള പള്ളിപ്പുറം സർവ്വീസ് സഹകരണ ബാങ്കിന്റെ ഹാളിൽ വെച്ച് വൈകീട്ട് മൂന്നു മണിയ്ക്ക് നടക്കുന്ന ചടങ്ങിൽ പ്രശസ്ത കഥാകൃത്തായ ബെന്യാമിൻ പുരസ്കാരം സമ്മാനിക്കുന്നു. 33333രൂപയും ശില്പവും പ്രശസ്തിപത്രവും അടങ്ങുന്നതാണ് പുരസ്കാരം. ഈ ചടങ്ങിലേയ്ക്ക് എല്ലാ ബ്ലോഗർമാരേയും ക്ഷണിക്കുന്നു. മുൻവർഷങ്ങളിൽ പുരസ്കാരത്തിനു അർഹമായ കൃതികൾ ദൈവമരത്തിലെ ഇല (രാജീവ് ശിവശങ്കർ (2016)), കറൻസി (ഇ പി ശ്രീകുമാർ (2015)). പ്രഥമ പുരസ്കാരം ശ്രീ ഇ പി ശ്രീകുമാറിനു പ്രശസ്ത ബാലസാഹിത്യ കഥാകാരനായ സിപ്പി പള്ളിപ്പുറവും, രണ്ടാം വർഷത്തിലെ പുരസ്കാരം ശ്രീ രാജീവ് ശിവശങ്കറിനു ശ്രീ കെ പി രാമനുണ്ണിയും സമ്മാനിച്ചു.
മനോരാജ് കഥാസമാഹാരപുരസ്കാരത്തെ പറ്റിയും അതുമായി എനിക്കുള്ള ബന്ധത്തെപ്പറ്റിയും ഇവിടെ ഒരു കുറിപ്പ് ചേർത്തിട്ടുണ്ട്
ReplyDeletehttps://sweetnbitterpast.blogspot.in/2017/09/manorajkr-award-and-beyond.html